ПАРДАРО БО КАДОМ ТАРЗУ УСУЛҲО ТОЗА НАМУДАН МУМКИН?

110

г7

СУФРАИ БОНУ ХОНАДОН

Чӣ гуна аз чанг ва доғ пардаро тоза намуд? Мо ба шумо оид ба  мустақилона шустан ва тоза намудани  пардаи  тиреза, пардачаи тиреза, пардаҳои гулдӯзикардашуда ва пардаи тӯрӣ маслиҳатҳо медиҳем.

Парда –  яке аз қисми  асосии бинои  дохили хона мебошад. Агар онро нодуруст нигоҳубин намоем, онгоҳ ранги онҳо парида  шакли пештараашро гум мекунанд.  Аз ҳама оддӣ ва хуб тоза намудани пардаҳо ин шамол додани хона мебошад, чун он намегузорад , ки пардаҳо чангу ғуборолуд гардад. Ҳангоми  шаббода  тирезаву дарҳоро  мудатти чанд соат кушода монед.

 Козургарии химиявӣ

Козургарии химиявиро метавон дар хона иҷро намуд (агар пардаро гирифта нашавад) ё ин ки дар фабрика. Мутахассиси даъватшуда оид ба пардатозакунӣ пардаҳоро ба воситаи асбоби буғӣ ва ё бо пайвастаҳои карбогидридӣ тоза менамояд. Вале вақто, ки дар хона пиронсолон ва ё кӯдакон бошанд,  пас козургарии химиявиро мо бояд дар хона нагузаронем. Пардаҳои пурарзиши  дизайнериро аз ҳама хубаш ба фабрикаи козургарӣ диҳед.

 Чӣ тавр пардачаҳои тиреза ва пардаҳои дарозро дар хона тоза намуд.

Мустақилона  пардаҳоро ба воситаи чангкашак метавон тоза намуд. Аз асбоби махсус барои пардатозакунӣ ва ё аз асбоби барои тозакунии мебели нарм истифода намоед. Аз ёд набароред, ки ҳар як қабати пардаи қаткардашударо аз дарун низ тоза намудан лозим аст. Кӯшиш намоед  дар як ҳафта ду маротиба  пардаро ба воситаи чангкашак тоза  намоед, агар онро  ба воситаи чангкашак тоза нанамоем, он чанги зиёдеро ба худ медорад ва ҳангоми шустан аз чанг ба зудӣ тоза намудани он душвор гашта ҳангоми шустан ранги худро тағйир медиҳад. Аз пардаовезак,чангак ва  ҳалқа низ чангҳояшро тоза намоед.

 Пардаро чӣ  тавр шустан мумкин?

Ҳангоми шустан парда метавонад сифати худро гум карда ҳаҷман калон шавад. Масалан, парда аз матоъи шоҳӣ ҳангоми шустан то 60% сифати аввалаи худро гум мекунад. Метавонед пардаи аз матои абрешимӣ сунъиро бо мошинаи  либосшӯи дар ҳарорати 30 дараҷа шӯед. Агар таваккал кардан нахоҳед, пас тарзи дастӣ  шустани онро  бояд донед , яъне аз чунин маслиҳатҳо истифода намоед:

Бодиққат пардаро афшонед.

Бо оби хунук обгардон намоед.

Онро бо оби ширгарм тар намуда ба дохили ин об метавонед моддаҳои шӯянда ва ё соддаи хӯрокворӣ ҳамроҳ намоед.

Боз бо оби хунук чанд маротиба обгардон намуда оҳиста ҷафед.

Пардаи тарро ба пардаовезак овезед то он шакли худро гум накунад ва бо вазни тариаш шакли пештараи худро бигирад.

Агар шумо пардаро газмол кардан хоҳед,  гармии газмолро бо тартиб барои матоъи синтетикӣ дуруст карда гузоред. Пардаро ҳангоми нам буданаш дарзмол намоед, то он шакли  худро гум накунад.

 Сараева Ф.

Манбаъ: Сомонаи бонувон

You might also like

Leave A Reply

Your email address will not be published.