Thursday 21st September 2017
  • #
  • #
  • #
  • #

Тарбуз, какао ва чойи кабӯд – муҳофизи пӯст

1ad5d512d9ef42a2fef2c53143e9b254_L

Қаланфур, какао, тарбуз, помидор, чойи кабӯд, зардчӯба ва анвои тӯтҳо дар баробари нурафшонии музири хуршед асари муҳофизатӣ барои пӯст доранд ва истифода аз онон дар тобистон тавсия шудааст.

Ба гузориши ИРНА, бархе аз гиёҳҳо ба таври табиӣ дар бофти худ антиоксидон тавлид мекунанд. Антиоксидони мавҷуд дар гиёҳҳо сабаб мешавад, ки ҳуҷайраҳои пӯст дар муқобили нури хуршед муҳофизат шаванд. Аммо нури ултрабунафши хуршед муҳимтарин омили бурузи саратон пӯст аст ва саратони пӯст ба шоеътарин навъи саратон дар бисёре аз нуқоти дунё, аз ҷумла дар Амрико табдил шудааст. Бинобар ин огаҳӣ аз маводи ғизоие, ки аз пӯст дар баробари нури хуршед муҳофизат мекунанд, зарур аст. Ин мавод иборатанд аз:

– қаланфурҳои дорои рангии зард, норинҷӣ ва сурх;

– помидори сурхи расида, ки дорои рангдонаҳои табие ба номи “lycopene” аст. “lycopene” дорои антиоксидони қавие аст, ки аз пӯст дар баробари нури ултрабунафши хуршед муҳофизат мекунад;

– тарбуз низ ҳовӣ ликопен аст. Ин антиоксидон аз пӯст дар баробари хуршед муҳофизат карда ва ба обрасонии пӯст кӯмак менамояд;

– чойи кабӯд илова бар тақвияти системаи эминӣ, ҳовии антиоксидон аст, ки муҳофизи ҳуҷайраҳои пӯст маҳсуб мешавад;

– какао бештарин асари муҳофизатиро дар баробари нури хуршед дорад;

– тӯти заминӣ, тамашк  ва шоҳтӯт;

– зарбчӯба ҳовии як моддаи зиддиилтиҳобии қавӣ аст ва илова бар рафъи илтиҳоби бадану афзоиши короии мағз, аз пӯст муҳофизат мекунад;

– моҳӣ ҳовии кислотаи “Омега-3” аст ва дар баробари нури офтоб нақши муҳофизатӣ дорад;

– кадӯи зард аз хонаводаи кадӯи сабз буда, хусусиятҳои мушобеҳ доранд. Ин моддаи ғизоӣ ҳовии антиоксидон буда, аз пӯст дар баробари нури хуршед муҳофизат мекунад.

Масрафи маводи фавқ ба танҳоӣ кифоят намекунад ва бояд ҳангоми хурӯҷ аз манзил аз карами зидиофтоб, либоси остиндор ва кулоҳ истифода кард.

Манбаъ: Сомонаи хуросон

Share



Назари худро бинависед