Таъсири шакку тардид дар зиндагии муштарак

Шакку тардид чӣ таъсире бар равобити отифӣ дорад?

Шакку тардид дар равобити отифӣ, бадтарин навъи беэътимодӣ аст ва мутаассифона ин рӯзҳо ба сурати ворасии гӯшии телефони ҳамроҳ, майл, кунҷковии тарафи муқобил ва… зиёд дида мешавад. Гоҳе ин шак ва беэътимодӣ ба хотири иштибоҳе аст, ки қаблан яке аз тарафайн муртакиби он шудаан. Дар ин шароит агар фард ба думболи ҷалби дубораи эътимод бошад, бояд ин фурсат ба ӯ дода шавад то ба тадриҷ зербинои эътимоди аз байн рафтаро маҳкамтар бино кунад. Албатта бояд дар ин роҳ сабур буд.

Аммо дар бархе маворид бидуни инки зан ё мард муртакиби хатое шуда бошанд, фақат кофӣ аст, ки ҳамсар ҷавоби телефонро надиҳад ва ӯ майл ба тасаввури бадтарин сенария дар он мавқеият кунад, ки дар ҳол хиёнат ба ӯст. Тасаввуре, ки мисли хӯра ба ҷони робитаи отифии завҷайн меафтад. Дар чунин шароите набояд аз ин масъала ғофил буд, ки мумкин яке аз тарафайн, дорои вижагиҳои шахсиятие бошад, ки натавонад эътимоди тарафи муқобилро ҷалб ё ҳифзи эътимод кунад. Дар ин маворид вуҷуди ихтилолоти шахсиятӣ ба хусус шахсияти васвосӣ ва намоишӣ ё заъфҳои фардӣ бештар метавонад матраҳ бошад.