Таҷаллии ахлоқ дар ривоёти исломӣ
Дар ин навишта, чанд маврид аз фармудаҳои ахлоқӣ ва ҷумалоти ҳакимона, ки аз Имом Муҳаммади Боқир(а) нақл шудааст, пешкаши мухотабон мегардонем.
1 – “Ҳилму бурдборӣ либоси олим аст, пас ту худро аз он урён мадор”.
2 – “Кибру бузургнамоӣ маркабест, ки савори худро ба сӯи оташ мекашонад”.
3 – “Ҳамоно Худованд инсони бурдборро дӯст медорад”.
4 – “Бо росткирдорию садоқат худро барои Худованд биорой”.
5 – “Дар кори худ, фақат бо касоне машварат кун, ки аз Худо метарсанд”.
6 – “Сабр ду навъ аст: сабр бар бало, ки некӯву зебост ва бартарин он, сабру худдорӣ ва парҳез аз ҳаромҳои илоҳӣ аст”.
7 – “Ҳеч ибодате дар назди Худованд, бартар аз тарки шаҳавоти шикам ва фарҷ нест”.
8 – “Банда гуноҳ мекунад ва ба саби он, рӯзӣ аз ӯ гирифта мешавад”.
9 – “Худованд касеро, ки дар миёни ҷамъ шӯхӣ кунад, дӯст медорад, ба шарти он ки носазо нагӯяд”.
10 – “Ҳарис ба дунё, монанди кирми абрешам аст, ки ҳар чӣ бештар даври худаш метанад, хориҷ шудан аз пилла бар ӯ сахттар мешавад, то ин ки аз ғусса мемирад”.
Хонаводаи намуна