Агар инсон вораста шуд метавонад улгуи дигар инсонҳо қарор гирад.
Агар мард бошад, улгуи мардум аст на мардон, ва агар зан бошад боз улгуи мардум аст на занон.
Ин матлабро Қуръони Карим ба сурати сареҳ равшан карда ва чаҳор занро ба унвони зани намуна (ду намунаи хуб ва ду намунаи бад) зикр мекунад. Зан, чӣ бад ва чӣ хуб намунаи занон нест, зани намуна аст.
Қуръони Карим мефармояд: Онки хуб аст намунаи мардум аст на намунаи мардон ва зани хуб, намунаи занон нест, балки зани намуна аст, чӣ ин, ки зани бад, намунаи занони бад нест, балки намунаи инсонҳои бад аст.
Дар ин мақола ба баррасии вежагиҳои ” зани фиръавн ” ба унвони яке аз намунаҳои хуб ва шоиста аз занону мардон мепардозем ва дар мақолаи баъд ба баррасии фазоили дигар усваҳои хуб ва бад, ки дар Қуръон зикр шудааст, хоҳем пардохт.
Қуръони Карим ду намунаи хуб аз занонро ба унвони улгу зикр мекунад, занони бо фазилате, ки Худованд онҳоро намунаи мардуми муъмин мешуморад ва дар бораи онҳо чунин мефармояд:
Барои касоне, ки имон овардаанд Худованд ҳамсари фиръавнро мисол оварда онгоҳ, ки гуфт: Парвардигоро пеши худ дар биҳишт барои ман хонае бисоз ва маро аз фиръавн ва кирдораш наҷот бахш ва маро аз дасти мардуми ситамгар бираҳон. (сураи Таҳрим, ояти.11)
Алоҳтаоло дар ин оя низ мефармояд:
«Барои касоне, ки имон овардаанд Худованд ҳамсари фиръавнро мисол овардааст» (сураи Таҳрим, ояти.11)
мефармояд: Намунаи мардуми хуб, зани фиръавн аст.
Як чунин зане, дар хонае зиндагӣ мекард, ки соҳиби он хона иддао дошт:
Парвардгори бузургтари шумо манам.(сураи Нозиот, ояти 24)
Ва шиор медод:
Барои шумо худое ғайр аз худам намешиносам(сураи Қасас, ояти38). Аллоҳи Мутаол дар Қуръони Карим ба сурати ҳаср мефармояд:
Тасбеҳ кун номи парвардгори волои худро. (сураи Аъло, ояти.1)
Калимаи аъло мафҳуме аст, ки ҳасрро ҳамроҳ дорад, бинобар ин, ду нафар ба унвони аъло наметавонанд ёфт шаванд, фиръавн низ бо гуфтани ин калима иддиои инҳисор дошт ва ин аъло буданро иддао мекард. Ў ҳамон тавре, ки иддаои рубубиятро дошт, муддаии тавҳиди рбубӣ ҳам буд. Сухан аз чанд худо намегуфт. Ў мегуфт: натанҳо ман худоям, балки ман, танҳо худо ҳастам. Ба ҷой «ло илоҳа иллаллаҳ» шиори «ло илоҳа илло ана» медод ва дар чунин хонае бонуе нашъат гирифт, ки намунаи мардуми диндор аст.
Иллати ин, ки ин бону намунаи мардуми хуб аст ба хотир он аст, ки дар ниёиш ба зоти поки Алоҳ мегуяд: Парвардигоро дар назди худат бароям дар ҷаннат хонае бино кун. (сураи Таҳрим, ояти.11)
Ин зан дар канори Худо, биҳиштро металабад. Дигарон биҳиштро металабанд, ва дар дуоҳояшон аз Худованд:
Биҳиштҳое, ки аз зери онҳо наҳрҳо ҷорӣ аст.(сураи Бақара, ояти.25) Дархост мекунанд, аммо ин бону аввал Худоро мехоҳад ва баъд дар канори Худо, хона талаб мекунад. Намегуяд «Парвардигоро бароям дар ҷаннат хонае бино кун» балки мегуяд: Парвардигоро дар назди худат бароям дар ҷаннат хонае бино кун, аввал назди Аллоҳро зикр мекунад баъд сухан аз биҳиштро ба миён меоварад. Яъне агар сухан аз:
«Аввал ҳамсоя баъд манзили худ» аст, ин бону ҳам мегуяд: «Авал Аллоҳ баъд ҷаннат» албатта ҷаннате, ки назди Аллоҳ бошад, бо ҷаннате, ки аз зери дарахтонаш нҳрҳо ҷорист тафовути фаровон дорад.
Бинобарин бонуе, ки то ба ин ҳадд олӣ мефаҳмад ва дар хостаҳояш табарро ва тавалло дошта ва масоили иҷтимоӣ ва фардиро аз зоти поки Алоҳ мехоҳад, оё ин зани намуна, танҳо намунаи занон аст? Ё ба таъбири Қуръони Карим намунаи мардум ҷомеа аст?