Чигуна навъҳои гуногуни доғҳои либосҳоро аз байн бибарем?

Барои аз байн бурдани ҳар доғ бар руи либос бояд аз маводи хоссе истифода кард.

Ба гузориши гуруҳи донистаниҳои хабаргузории Форс бархе аз доғҳо тавассути оби гарм ва сард пок намешаванд ва бояд аз маводи поккунанда ё маводи дигар барои аз байн бурдани онҳо истифода кард; гоҳе низ ба далелҳое наметавонед доғи либосро зуд пок кунед ва бояд муддате бигузарад то ба хона расида ва онро поку тамиз кунед ва бишуед; бо хондани ин матлаб шумо огоҳ мешавед, ки  чи гуна доғҳои куҳна ё тозаро метавонед аз байн бибаред.

Доғи чой ба маҳзи рехта шудани чой бар руи либос онро бо оби сард ва маводи шуянда бишуед; агар имкони шустушуи фаврӣ вуҷуд надошт миқдоре намак руйи доғ бирезед ва муддате сабр кунед, то намак чойро ба худ ҷазб кунад; сипас дар мавқеъи муносиб либосро ба равиши маъмул бо оби гарм ва маводи шуянда бишуед.

Доғи равғани моҳӣ агар доғ тоза бошад ибтидо руйи он хокаи шуяндаи хушк бирезед ва бо пахтаи тар молиш диҳед; баъд бо оби нисбатан гарм ва собун онро бишуед. Агар доғи равғани моҳӣ куҳна бошад чанд қатра амиак ва проксиди гидроген ба обу собун изофа кунед; як порчаи сафеди тозаро чанд бор қат кунед ва зери қисмати доғдор қарор диҳед ва моеъро мураттабан бо қошуқ руйи доғ бирезед, то дар он нуфуз кунад ва доғро аз байн барад

Доғи қалами мумӣ; Пахтаро дар об тар кунед ва руйи доғ бикашед ва то ҳадди имкон доғро камранг кунед; махлуте аз обу амиакро, ки нисбати онҳо шаш ба як бошад бо пахта чанд бор руйи онҳо бимолед, то доғ тақрибан маҳв шавад, сипас бо оби нисбатан гарм ва шуянда онро бишуед.

Доғи маводи ҳашаракуш(дихлофос); Либосро аз тан дароваред, то аз тамоси пусти бадан бо мавод пешгирӣ шавад; либосе ки бо маводи ҳашаракуш олуда шудаастро  ҳамроҳ бо либосҳои дигар нашуйед; пас аз шустушуи либос ва мушоҳдаи дубораи ин доғ дубора бояд шуста шавад, зеро ин навъ доғ маъмулан бо як бор шустушу  аз байн намеравад ва дубора бо маводи поккунандаи қавитар бояд шуста шавад.

Доғи ранги пластикӣ; Ибтидо рангро аз руйи либос пок кунед; миқдоре нафти хом руйи доғ бимолед ва онро бо пахта пок кунед; сипас либосро бо оби гарм ва собун бишуед.

Доғи хун;Як дастмолро бо оби сард тар кунед; доғро бо як василае, ки каме тез бошад ё ҳамон дастмоли мартуб битарошед; баъд порча(латта ё либос)ро ба муддати 30 дақиқа дар оби сард ҳамроҳ бо каме маводи шуянда қарор диҳед, ки то ҳадди имкон доғ тунуктар шавад; сипас либосро бишуед ва бигузоред хушк шавад. Доғи шоколад;Либосро бо обу собун бишуед ва агар пок нашуд либосро дар спирт, бавижа спирти этелии коркардшуда бо маҳлули амиак мартуб кунед ва доғро пок кунед; дар мавриди порчаҳои ғайри қобили шустушу қисмати чиркиншударо бо  нафт ё тетрахлори карбон бишуед, то равғани он аз байн биравад ва боқимондаи доғро ба кумаки праоксиди гидроген аз байн бибаред.

Доғи  банан; Либосро ба муддати 15 дақиқа дар маҳлуле аз як литр оби ширгарм яку ним қошуқи чойхурии моеъи зарфшуӣ ва як қошуқ сиркаи сафед қарор диҳед; бо исфанҷи оғушта ба спирт ба руйи қисмати доғдор аз марказ ба хориҷи доғ бикашед; дубора ба муддати 30 дақиқа қисмати доғдори либосро дар ним литр оби ширгарми дорои як қошуқи ғизохурӣ хокаи шуяндаи дорои анзем, мартуб кунед дар сурати пок нашудан ниҳоятан метавонед аз сафедкунандаи хлордор ( гипоклити натрий ва ё гидрогендор ( проксиди гидроген) истифода кунед.

Доғи крем; Миқдоре пахтаи мартубкарда руйи он бикашед руйи пахта миқдоре моеъи зарфшуӣ бирезед ва бар руйи доғ бикашед сипас пахтаи мартубшуда бо  обро дубора руйи доғ бикашед, то ба  таври комил аз байн биравад. Агар бо ин кор доғ аз байн нарафт миқдоре спирт бар руи дастмол бирезед ва руйи доғ бикашед, то комилан поку тамиз шавад ва дар охир либосро бо оби ширгарм бишуед.

Доғи алафу саба;Либоси чиркинро ба муддати 30 дақиқа дар маводи шуяндаи ҳалшуда дар оби сард қарор диҳед доғро ба кумаки исфанҷи оғушта ба спирт пок кунед сипас либосро бишуед.

Доғи қаҳва;Руйи ин доғ, оби ҷуш бирезед ба муддати чанд соат либосро ба ҳамин ҳолат раҳо кунед дар сурате , ки доғ ба руйи порчаи пашмӣ ё абришемӣ бошад либосро фавран бо оби сард ё ширгарм пок кунед дар сурати боқӣ мондани доғ руйи либос бо тетрахлориди карбон ё нафт аз байн  меравад.

Доғи хушбукунандаи бадан; Либосро дар оби гарм бишуед доғҳои куҳнаро ибтидо ба муддати 10 дақиқа дар маҳлули шуяндаи моеъ ва об қарор диҳед ва бо изофа кардани сафедкунанда дар сурате, ки ба либос осеб нарасонад бишуед.

Доғи мева; Бо истифода аз оби гарм ва собун метавон либосро шустушу дод ва доғи ҷузъие, ки боқӣ мемонад ба кумаки пахта ва каме сафедкунанда пок мешаванд.

Доғи оби анор; Либосро дар оби сард гузошта моеъи шуянда ва ё моеъи зарфшуиро бо ангушт дар қисмати доғ бимолед ҳудуди 30 дақиқа либосро дар ҳамин ҳолат даруни об ва шуянда бигзоред ва сипас сипас либосро бо оби сард бишуед.

Доғи сақич; Равиши аввал: ибтидо сақичро аз руйи либос бардоред он қисматро чандин бор бо моддаи шуянда бо ангушт бимолед сипас либосро бо оби гарм бишуед ва ин корро то пок шудани комили доғ такрор кунед.

Доғи сақичро бо тетрахлориди карбон низ пок мекунанд ва баъд либосро мешуянд.

Равиши 2: Аз шираи дарахти коҷ ё равғани наботӣ метавонед истифода кунед ва сипас либосро бишуед.

Равиши 3: Як миқдор яхро чандин бор руйи сақич бикашед то ҷудо шавад ва агар боз ҳам нашуд аз бензин истифода кунед.

Доғи битум;Доғи битум ба роҳатӣ дар ҳаллолҳои нафтӣ ва тетроклориди карбон ҳал мешавад, бо бензин низ метавонед ин навъ доғро аз байн бибаред сипас либосро бишуед.

Доғи яхмос; Либосро ба муддати 10 то 30 дақиқа дар оби сард қарор диҳед ва ҳамзамон саъй дар пок кардани доғ бо моеъи шуянда кунед ва сипас либосро бишуед.

Доғи атр; Бисёре аз атрҳо бо аввалин шустушу аз байн мераванд ва дар ғайри ин сурат миқдори каме карбонати калтсий дар зарфе бирезед ва либосро дар он қарор диҳед ва муддате дар як фазои баста нигаҳ доред.